Wie bitte?

"Hä?"
"Ei jo!"
"Ach komm!"
"Ei was dann?"
"Ebe net!"
"Ei wann isch ders sach!"
"Isch glaabs net"
"Dann lasses"
Annere Leut schreiwe da en ganze Roman, awwer 20 Wörder reiche völlisch aus.

Mon Cheri

En naggische Offebäscher schdeischt in Frankford an de Hanauer Landstraass in e Taxi. De Taxifahrer guggt e bissi erfrischt un fraacht: "Wo solls dann higehn?" Sacht de Offebäscher: "Hier, isch muss nach Heddernheim, da issn Fassenachtsumzuuch!" De Taxifahrer guggtn oh un meint: "Du Simbel, bist doch naggisch! Als was gehste dann?"
Do mescht de Offebäscher des Maul uff un hat e Kersche zwische de Zähn un sacht: "Siehste die Kersch hier? Des is mei Kostüm. Isch geh dies Jahr als Mon Cheri - un nu fahr endlisch!"


De Taxifahrer fährt dann also los. Plötzlisch muss er e Vollbremsung mache. Den Offebäscher hauts im Audo hin un her un ZACK ... hat er sei Kersch veschluggt. "Bist du narrisch?", ranzt er de Taxifahrer oh. "Isch hab die Kersch verschluckt, un jetz hab ich koi Kostüm mehr! Was soll isch dann jetz nur mache?" De Taxifahrer mault e bissi rum, schdeischt aus un geht in e Geschäft uff de anner Straasseseit. Es dauert un dauert bis er widder rauskemmt. Er schdeischt ins Audo un schmeisst dem Offebäscher e Glas Erdbeerschellee hinne auf de Rücksitz. "Erdbeerschellee??? Was soll isch dann dademit? Isch brauch e Kersch!!" "Hawwe se net gehabt !", brummt de Taxifahrer. "Un was soll isch jetz mit Erdbeerschellee???" "Des schmierst de dir jetz in de Arsch un gehst als Kräbbel!!!"

Ebbes is ebbes

Wenn ihr mich fragt, was ein hessisch Wort ist, dann sage ich EBBES. Das Wort kann man für alles gebrauche.
Wisst ihr überhaupt, was EBBES ist? EBBES ist halt EBBES. Und aus EBBES kann mer alles mache.

 

Wenn en junge Borsch heirate will, muß er sich EBBES suche. Ein Mädsche, des EBBES hat und EBBES bringt. Un wenn er EBBES gefunne hat, dann hat er EBBES, denn, do wo EBBES is, kommt gewöhnlich noch EBBES dazu. EBBES für'n Geldbeutel und aach EBBES für's Herz. Also EBBES für´s ganze Lewe.

 

Und dann werd Hochzeit gefeiert. Die derf schon EBBES koste, damit mer sieht, daß auch EBBES dehaam is. Dann geht mer uff die Hochzeitsreis. Uff so nerr Hochzeitsreis da sieht merr EBBES. Man erlebt EBBES un kann EBBES mitbringe.

 

Und auf einmal, da erwart merr EBBES. Die Nachbarschaft hat schon EBBES gemerkt. Die sage schon, die kriet EBBES. Wenn des Kind dann im Bettsche heult, dann hat's vielleicht EBBES. Wenns weiter heult, dann fehlt em halt EBBES. Vielleicht hat's blos EBBES gemacht.


Kimmt de Bub in die Schul, da lernt er EBBES. Wann de Lehrer EBBES fragt, da muß er EBBES antworte.
Wenn er aus de Schul kimmt, kimmt er in die Lehr, dass er EBBES lernt und später EBBES verdient. Damit er seiner Mutter EBBES gewwe kann. Unn dass später sei Fraa unn sei Kinnder EBBES zu beiße hawwe.

 

Wisst ihr jetzt, was EBBES is? Dann hebt Euer Glas unn seid kaan Debbes. Denn en gute Schluck, das is aach schon EBBES.

 

(Quelle: www.aeppelsche-homepage.de)

Axel Haack (Sbg.)
Axel Haack (Sbg.)